Taliye ku Xigeen Cusub oo loo Magacaabay Booliska Somalia gaar ahaan Gobolka Banaadir

Muqdisho 04.june (SDN/QJ)-Wareegto ka soo baxday xafiiska madaxweynaha Soomaaliya Xasan Sheekh Maxamuud ayaa Cabdifitaax Ibraahim Shaaweeye loogu magacaabay taliye ku-xigeenka ciidanka nabad-sugidda gobolka Banaadir.

Wareegtada lagu magacaabay taliye ku-xigeenka oo soo gaartay Bar-kulan ayaa soo baxday 03 June, 2014.

Cabdifataax  ayaa horay u soo noqday guddoomiye ku-xigeenka dhinaca ammaanka ee maamulka gobolka Banaadir intii u dhexaysay sanadihii 2007 ilaa 2009, xilligaas oo uu guddoomiyaha gobolka ahaa Alle ha u naxariistee Maxamed Cumar Xabeeb.

Wuxuu sanadihii dambe ku noolaa dalka Ingiriiska ka hor intii uusan dhowaan ku soo noqon dalka.

Muqdisho SDN