Fanaanka K’naan iyo Lupita Nyongo oo la sheegay in cishqi dhan u wada riday
New York March 07,2014(SDN)-Fanaanka Soomaaliyeed ee ku caanka baxay heesaha Rap-ka loo yaaqaan ee K’naan Warsome ayaa la sheegay in uu haatan wada socdaan gabadha reer Kenya ee Jilaaga ah ee Lupita Nyongo oo dhawaan ku guuleysatay aaal marinta Oscar.
Lupita oo ku soo can baxday filmka 12 year of Slave ayaa la sheegay in ay haatan jamatay K’naan oo ku nool dalka Canada wixii ka danbeeyay 90 maadkii.
Barta Internetka ee Perezhilton.com ayaa lagu shaaciyay in jaceylka labadan ruux ee caanka ahi uu bilowday mudo haatan laga joogo dhawr bilood.
Qoraalkan looga hadlayay labadan iscalmaday ayaa waxa uu u muuqday mid walaac ku dheehan yahay bacdamaa K’naan yahay ruux ilaa dhawr iyo toban jeer xabsiga la dhigay.
Halka ay Lupita ka tahay gabar si haboon loo soo barbaariyay sida qoraalka lagu dheegay.
Lupita oo haatan caalamku ka oo uu K’naana ku jiro ka daba dhacay ayaa sawir laba dooda oo caweynaya ah soo dhigtay barta instagram ay ku leedahay.
Si kastaba ha ahaatee K’naan ayaan ilaa iyo haatan ka hadal in warkan la shaaciyay ay wax ka jiraan.
SDN-New York