Maxkamada Gobolka Hawd oo Xukuno ku Riday Denbiilayaal lagu Soo Qabtay Maandooriyaha Khamriga

Balli Gubadle 24.Feb 2014 (SDN)- Maxkamadda gobolka Hawd ayaa maanta xukun ku riday laba danbiile oo lagu qabtay iyagoo dalka soo galinaya Maandooriye.

Fadhi ay maanta yeelatay maxkamadda gobolka Hawd ayaa xukuno ku riday laba danbiile oo dalka soo galinayaay Maandooriye kuwaasoo ciidamadda booliisku hawd ay ku soo qabteen iyagoo danbigaas faraha kula jira islamarkaa ku sugnaa meel u dhaxaysa dagmooyinka Sayla  iyo Bali cabane, waxaanay maxakamaddu ku xukuntay labadaasi eedaysane  midkiiba sedex  sano oo xadhig ah iyo sedex milayan oo Somaliland shilin ah oo ganaax ah.

Masuuliyiint  maxkamadda ayaa xukunka ka dib meel fagaare ah  ku gubtay  maandooriyihii oo ahaa nooca loo yaqaano khamriga waxaana intaasi ka dib halkaasi ka hadlay masuuliyiinta heer gobol iyo degmo ee gobolka , badhasaab ku xigeenka gobolka hawd Md Khadar Xasan Xirsi oo ka hadlay  halkaasi ayaa taliyaha ciidanka booliiska Somaliland ka codsaday in uu gobolka usoo kordhiyo ciidamada booliiska ee ka hawl gala maadaama gobolku uu ku yaalo  xuduuda kulmisa wadamada Somaliland iyo itoobiya  islmarkaa loo baahan yahay in la adkeeyo dhaqdhaqaaqa isu socodka bulshada isaga gudbaysa labada dal.

Taliyaha qeybta booliiska gobolka hawd  gaashaanle Jamaal cabdi shugux oo isna halkaasi ka hadlay ayaa u mahad celiyay bulshada gobolka iyo ciidamada booliiska oo  ku guulaysatay in ay dalka iyo dadkaba ka qabtaan maandooriyahaa lasoo galinaayaay waxaanu ku dardaaray in ay halkaasi ay kasii wadaan dadaalka.

Gabagabadii waxa halkaasi hadalo la xidhiidha  hawlaha amnaanka kasoo jeediyay  maayirka degmada bali gubadle  Md Cabdi Iimaan Jaamac  iyo taliyaha ciidanka asluubta gobolka  kabtan jihaad

Bali Gubadle SDN.

Qurbejoog.com