Taliye-Saldhigeedkii Gegmada Galdogob Oo La Khaarajiyey
Galdogob:24-Feb-2014 (SDN)- Warka Naga Soo Gaadhaya Degmada Galdogob ee Gobolka Mudug ayaa Sheegaya in Taliyihii Degmadaasi Shalay Maqribkii Lagu Toogtay Halkaasi.
Taliye Muumin Maxamed Muumin oo in Muddo ah Halkaas Taliye Ka Soo Ahaa, ayaa La Sheegay inuu Dilay Mid kamid ah Ilaaladiisa Gaarka ah oo ay Murmeen, waxana la Sheegayaa inuu Dilkaasi Ka Dhacay Gudaha Saldhiga uu Xukumayey.
Ma Jiro War faahfaahsan oo ka Soo Baxaya Dilka Taliyaha, balse waxa la Xaqiijiyey inuu Taliyuhu markii hore Dhaawac culusi gaadhay, kadibna uu ku Geeriyooday Cusbitaalka oo loola Cararay.
Askarigii Dilka Geystay ayaa la Sheegay inuu fakaday oo aan Gacanta Lagu Qaban, waxana Haatan lagu Jiraa Raacdadiisa.
Aaska Taliyaha ayaa lagu wadaa inuu Maanta ka Dhaco Degaankaas, waxana Lagu Waddaa inay Ka Soo Qaybgalaan Masuuliyiin iyo Shacab Badan oo Geeridan aad uga Xumi.
S.D.N