Ciidanka Booliska ee Gobolka Sanaag oo Caawa Ku Guulaystay Soo Qabashada Gacan ku dhiigle dilay Xubin Komiishanka Doorashooyinka Heer Gobol

Ceerigaabo 29.Jan 2014 (SDN)- Ciidamada Booliska ee Gobolka Sanaag ayaa Galabta Gacanta ku  soo Dhigay Gacan ku dhiigle Sharmaarke Sahal Oogle oo Todobaadkii Tegay ku dilay Degmada Oog Marxuun la Odhan Jiray Axmed Aadan Raanbe .

Sida uu Shabakada Qurbejoog.com u Xaqiijiyay Taliyaha Qaybta Booliska ee Gobolka Sanaag Gaashaale Xasan Ismaaciil Yuusuf Gacmo Yare Waxaa Gacan ku dhiiglahan soo qabashadiisu ka danbaysay hawl gal xoogan oo ay Sameeyeen Ciidamada Boolisku Waxa uu Taliyuhu intaas ku daray in Gacan ku dhiiglahan la hor gayn doono Sharciga.

Gaashaanle Xasan Ismaaciil Yuusuf Gacmo yare waxa uu u mahadceliyay Ciidamada Booliska ee Hawl galkaas ka qayb qaatay .

Gacan ku dhiiglahan ayaa si badheedh ah ugu dhex khaarajiyay Magaalada Oog Marxuun Axmed Aadan Raanbe oo ka Mid ahaa Xubnaha Komiishanka Doorashooyinka ee Gobolka Saraar,Dilka Marxuunkan ayaa Xiisad ka dhex abuuray Magaalada Oog Gaar ahaan labada beelood ee Marxuunka Dhintay iyo Gacan ku dhiigluhu ay ka soo kala Jeedeen iyadoo laga Cabsi qabay inay ku talaabsadeen Beesha uu ka Soo Jeeday Marxuunka Dhintay fal u aarid ah.

Ceerigaabo SDN.

Qurbejoog.com