Ra’isal Wasaare Saacid oo ku baanay in Muddadii uu Xilka hayay uu ku dadaalay adkaynta hay’adaha dawlada

Muqdisho 21.Dec 2013 (SDN)- Raysul wasaarihii hore ee Soomaaliya Cabdi Faarax Shirdoon (Saacid) oo maanta kulan sagootin ah la qaatay shaqaalaha ka howlgala xafiiskiisa ayaa sheegay in intii uu hayay xafiiska uu ku dadaalay adkeynta hay’adaha dowladda.

Wuxuu xusay inuusan waligiis qaadan go’aan ka hor imanaya qarannimada iyo horumarka dalka.

Shirdoon ayaa qiray in shaqaalaha xafiiskiisa ay si wanaagsan ula shaqeeyeen intuu uu hayay xilka raysul wasaarenimo.

Wuxuu ku dhiiragaliyay shaqaalaha in ay sii laba-laabaan shaqada ay u hayaan qaranka.

Shirdoon ayaa horraantii  bishan kalsoonida kala laabteen golaha baarlamaanka, taaasoo keentay in madaxweyne Xasan Sheekh Sheekh uu soo magacaabo raysul wasaare cusub.

Muqdisho SDN.

Qurbejoog.com