Golaha Wakiilada oo uu furmay Kalfadhigoodii 23aad iyo Shirguddoonka Wakiilada oo Weli ka Jabsan

Hargaysa 21.Dec 2013 (SDN)- KalFadhigii sedex iyo labaatanaad ee Golaha Wakiilada JSL  ayaa maanta si rasmi ah ugu furmay xarunta golaha wakiilada ee magaalada hargaysa.

Fadhigaas oo uu shir gudoominayay gudoomiyaha golahaasi Md Cabdiraxmaan Maxamed Cabdilaahi [ cirrro]  ayaa mudanayaashii kasoo xaadiray madasha waxa loogu qaybiyay ajanadaha kalfadhiga sedex iy labaatanaad ee Golaha wakiilada kaas oo ka koobnaa qodobadii baaqiga ka ahaa kalfadhiyadii hore  kuwaas oo cod gacan tag ah ay ku ansixiyeen sideed iyo afaratan mudane , halka ay ka  diideen sedex mudane isalmarkaa uu  ka aamusay hal mudane gudoomiyuhuna aanu codayan .

Geesta kale xogahayaha guud  ee golaha wakiilada jsl md cabdirisaaq ayaanle ayaa golaha ka hor akhriyay soo jeedintii la talaiyaha dhinaca sharciga ee golaha wakiilda taasoo ahayd sharcinimada  isku shaandhayntii gudi hoosaadka golaha wakiilada ee  uu sameeyay gudoomiyaha golaha wakiiladu , taas oo uu ku tilmaamay in ay ahad sharci isalmarkaana waafaqsan dastuurka jsl iyo xeer hoosaadka golaha wakiilada.

Intaasi ka dib waxay mudanayaashii kazoo xaadiray fadhigu ay cod gacan tag ah ku ansixiyeen guud ahaan gudi hoosaadkii golaha wakiilada ee dhawaanta uu magacaabay gudoomiyaha golaha wakiiladu , waxaana ogolaaday 47 mudane   halka ay diideen  5 mudane  ayna ka aamuseen sedex mudane gudoomiyuhuna aanu codayn  sidaana ay ansaxku noqdeen