Shacabka Gobolka Sh/Hoose Oo Dagaallo Ku Waabariistay
Afgooye:15-Dec-2013 (SDN)-Wararka laga helayo saaka Deegaano ka tirsan Gobolka Shabeelaha Hoose ayaa sheegaya in halkaasi ay ka socdaan Dagaallo la isku adeegsanayo Hubka Noocyadiisa kala duwan.
Dagaaladan ayaa la sheegayaa inay dhexmarayaan beelo isku heysta dhul waxana ay ka socdaan tuulooyin hoos-taga degmooyinka Marka iyo Aw-dheegle ee gobolka Shabeelaha Hoose.
Lama oga khasaaraha ay geysteen ilaa hadda, waxaana dadka deegaanku ay sheegayaan in ay maqlayaan hugunka rasaasta oo labada dhinac ay isweedaarsanayaan.
Dagaaladan ayaa daba socoda kuwa labadii maalmood ee la soo dhaafay ka dhacay gobalka Shabeellaha Hoose. waxaana ku lug leh ciidamada dowladda sida ay lee yihiin saraakiisha ciidamada ee gobalka.
Ilaa iyo haatan ma jirto cid dhex dhexaad ah oo isku hawshay inay dhibaatan joojiso, waxana sii badanaya khasaaraha ay dagaaladani geysanayaan,madaama labada dhinac ay adeegsanayaan Hubka Noocyadiisa kala duwan.
S.D.N