Weerar Looga Shakiyey Kooxda Al-shabaab Oo Lagu qaaday Degmada Wajeer iyo Khasaaraha ka Dhashay

Wajeer:14-Dec-2013(SDN)-Ugu Yaraan Hal qof ayaa ku dhintay 15-kalena waa ay ku dhaawacmeen weerar Koox Hubaysani Habeenkii Xalay ka Fuliyeen Deegaanka Wajeer ee Dalka Kenya.

 Weerarkan oo dhacay Habeenkii xalay, ayaa la sheegay in lala Beegsaday Suuq aad u camiran oo Qaadka lagu iibiyo, waxana ay taasi keentay in khaasuruhu aad u bato.

Weerarkani oo aan la ogeyn sababta ka danbeysay iyo cida sida rasmiga ah u abaabushay ayaa waxaa ka horeeyay laba qarax oo gacanta laga tuuray kuwaas oo aan cid wax ku noqotay la sheegin

 

Boliis ayaa gaadhay goobta wax ka dheceen iyaga oo qaaday meydka ninka Soomaaliga ah oo ku jiray da’da 40-tameeyo.

Wali cidi weerarkan ma ay sheegan, balse waxa dadka deegaanku sheegayaan inay tahay astaamihii ururka Al-shabaab wax u weerari jireen, iyadoo muddooyinkii dambe ururka Al-shabaab ay weeraro badan ka fulinayeen Deegaamada ku teedsan xuduudda kenya.

 

S.D.N

Contact@somalidiasporanews.com