Guddoome Cabdiraxmaan Cirro Oo Goor Dhaw Lagu Wado inuu Hargeysa Ka Soo Dego iyo U Diyaargarow Ballaadhan oo Loo Sameeyey

Hargeysa:27-Nov-2013(SDN)-Waxa Magaalada Hargeysa Guud ahaan si weyn looga Dareemayaa Dhaqdhaqaaq xooggan oo ay samaynayaan Taageerayaasha Xisbiga Mucaaridka ah waddani iyo waliba  Mataanahooda kale ee Ucid, kuwaas oo u diyaargaroobaya sidii ay usoo dhaweyn lahaayeen Guddoomiyaha Xisbiga waddani ahna Guddoomiyaha Baarlamaanka Somaliland.

Dhaqdhaqaaqyadan ayaa waxa Xoojiyey Tallaabo ay xukuumaddu  Hoggaanka Ucid ugu diidday inay Galaan Garoonka  Diyaaradaha ee Hargeysa, taas oo keentay in Bulsho badani si weyn uga cadhooto dhaqanka ay xukuumaddu ugu diidday  muwaadiniintan inay soo dhaweeyaan Guddoomiyahooda oo loo arkayey inuu soo Hooyey Guul diblomaasiyadeed.

Sidoo kale  waxa jira Cadaadisyo iyo weeraro siyaasadeed  oo ay xukuumaddu ku hayso Guddoomiyaha Xisbiga waddani, kuwaas oo ay qaarkood ugu diiday sharciyadda isku shaandhayn uu dhawaan Golaha ku sameeyey oo ka daba dirtay Guddoomiye Baashe oo sharci darro ku tilmaamay.

Shacab badan oo ku labisan astaamaha ay caanka ku yihiin taageerayaasha  waddani ayaa ilaa shalay laga dareemayey caasimadda, waxana la sugayaa inuu saacadaha soo socda Guddoomiyuhu ka soo dego Garoonka Cigaal International Airport, kaas oo lagu wado inuu kala kulmo kim ka mid soo d haweymihii ugu ballaadhnaa ee uu abid  arko.

 

S.D.N

Contact@somalidiasporanews.com