Bayern Munich Ayaa 3-0 Ku Jalaaftey Borussia Dortmund Daawo.(By Jaahuur)

Munich-23-2013-(SDN)-Asxaabtay faaqidaadeena ciyaaraha waxaynu ku jibaaxaynaa ciyaar aad u xiisa badneyd oo dhexmartay labada naadi ee jarmalka ugu weyn Bayern Munich iyo Borussia Dortmund.

Ciyaartan oo ka tirsanayd horyaalka Germany (Bundesliga) ayaa waxaa ka soo qaybgaley dadweyne la ciidh-ciidhaya 82,500 iyo dabcan taageerayaasshooda waraabowga qaba.

Ciyaartan oo qeybtii hore labada kooxood isku dheeli tirnaayeen ayaan waxba la iska dhalin. Qeybtii dambe ee ciyaarta ayaa Bayern jaanta isla heleen kubadduna lugtooda ku badneyd,halka Dortmund aad moodeysey inay kala dateen.

Daqiiqaddii 66-aad goolkii ugu horeeyey Bayern waxaa ugu yaboohay Mario Gotez,laacibkan oo u ciyaari jirey Dortmund ayey Bayern ku soo iibsatey £31.5M xagaagii dhawayd.

Daqiiqaddib 85-aad goolkii labaad waxaa ku baashaaley xiddigga reer Holland Arjen Robben,kii saddexaad ee qalbi jabkana waxaa u raaciyey Thomas Muller daqiiqaddii 87-aad,ciyaartuna waxay ku soo biyow shubantey Bayern 3 Dortmund 0.

W/qorey Jaahuur SDN jjaahuur@Hotmail.com