Barcelona oo 3-1 Ku Sagootisey Ac Milan.(By Jaahuur)
Camp Nou-Barcelona-Nov-07-2013-Akhyaartay qormadeena ciyaaraha waxaynu ula firdheynaa xagaa iyo Spain,Ac Milan iyo Barcelona oo isku bas beeley.
Ciyaartan oo ka tirsaneyd Champion League xurgufo badana ka dhaxeysey labadan naadi ayaa galabta oo Arbaco ah foodda isla galey.
Ciyaartan oo la wada sugayey ayaa waxaa ka soo qeybgaley dadweyne cagacageynaya 70,ooo iyo dabcan tageerayaasha waraabowga qaba ee labada dhinac.
Haddaba Barcelona oo garoonka badi xukumeysey ayaa xiddiga reer Argentine Lionel Messi oo ciyaarihii ugu dambeeyey ee La Liga aan goolal ku salaaxin ayaa ciyaartan galabta goolal dhalintii u furfurantey.
Daqiiqaddii 30-aad ee ciyaarta qeybteedii hore ayaa Messi goolkii ugu horeeyey oo rigoore ahaa ku salaamey Ac Milan,kii labaadna daqiiqaddii 40-aad waxaa u raacciyey Bustquets,halka Kaka Ac Milan ugu yaboohay gool daqiiqaddii 45-aad.
Ciyaarta oo qeybteedii dambe la iskugu soo noqdey ayaa bedel waxaa garoonka soo caga dhigtey dheemanka madow ee reer Itaaliya Balotelli,laakiin wax goolal ah dhakaow kama siin.
Ciyaarta oo aad u sii xiisa badatey Ac Milana ku hanweyneyd iney bar-bardhac ku soo qabato Bacelona ayaa kii qalbijabka waxaa u raaciyey Lionel Messi daqiiqaddii 83-aad,ciyaartana waxaa lagu kala faraxashey Barcelona 3- Ac Milan-1.
W qorey Jaahuur
SDN