Baaq Taageero:Waddada Cad ee Ceerigaabo iyo Burco

Togdheer Development Foundation (TDF) UK.

Baaq taageero loogu fidinayo horumarka ka socda Somaliland guud ahaan iyo dadaalka xukuumada iyo bulshada reer Somaliland  siiba bulshada reer  Ceerigaabo u muujiyeen ka dhabeynta waxa qabadka iyo horumarka.

Guddida Togdheer Development Foundation UK waxay soo dhaweynayaan hawlaha horumarineed ee ka hanaqaaday wadanka sidoo kalana waxa ay taageero hiil iyo hooba leh la barbar taaganyihiin dhamaan wadooyinka laga hirgalinayo dalka dhan kasta.

Horumarku waa furaha ictiraafka umadeed, waa muraayada umadahu ka dheehdaan qiimaha bulshadaasi leedahay. Sidaas darted gudida TDF waxa ay soo dhaweynayaan taageerona u fidinayaan Wadada isku xidha Burco iyo Ceerigaabo sidoo kalana Burco iyo Hargeysa.

Guddida TDF waxa ay casuumad iyo soo dhaweyn u fidinayaan Gudida waddada Burco iyo Ceerigaabo ee uu gudoomiyaha ka yahay wasiir Xirsi X. Ali.

Gudidaas oo aanu rajeyneyno in ay Buslshada Somaliland iyo inta jecel horumarka eek u dhaqan qaaradan Yurub la qeybsadaan taageerada loo fidinayo waddda.

Gabagabaddii TDF waxa ay ugu baaqayaan dhamaan bulshada rer Somaliland in meel uga soo wada jeestaan sidii loo dhameystirilahaa waddadaas laguna daydo sida sharafta iyo qiirada leh ee reer ceerigaabo xoolahoodii, dahabkoodi, maalkoodii iyo xoogoodaba ugu hureen waddadaas.

Allaa Mahad lah

Gudoomiyaha gudida TDF

Eng. Saeed Hassan Sheekeeye