War Deg Deg ah: Mudanayaasha Golaha Wakiillada Somaliland Oo Cod Aqlabiyad ah ku Meel Mariyey Xeerkii Xaasaasiga Ahaa Ee Waddooyinka

Hargeysa:24-Sep-2013(SDN)-Golaha Wakiilada somaliland ayaa cod aqlabiyad ah ku meel-mariyey Xeerka horumarinta waddooyinka oo maal-mahanba doodiisii socotay.

Fadhigii maanta oo uu shir guddoominaayey Guddoomiyaha Golaha wakiilada somaliland Md.Cabdiraxmaan Maxamed Cabdilaahi (Cirro)  ayaa waxaa soo xaadiray 69 muddane ,waxaana lagu wargaliyey in ay cod u qaadaan Mudanayaashu Xeerkani.

codaynta maanta oo la filayey inay kooxaha mucaaradka ahi ku gacan sarrayn doonaan, ayaa ay natiijadiisu noqotay mid ay ku gacansarreeyaan mudanayaasha muxaafadka ahi, waxana  codkooda Haa ugu codeeyey 58-mudane, Halka ay ka diideen 8-mudane oo kaliya.
Xeerkan oo ahaa mid muran badan dhaiyey, ayaa sidaas ku meel maray, waxana halkaas lagu arkayey mudanayaasha muxaafidka ah oo damaashaad iyo rayn rayn ku jira.

Somalidiasporanews.com
Contactact@somalidiasporanews.com