Mudanayaasha Golaha Guurtida oo dood ka Yeeshay Xaalada Arrimaha Gudaha ee dalka

Hargaysa 15.Sep 2013 (SDN)- Golaha Guurtida ee Jamhuuriyadda S/land fadhigoodii maanta oo uu shirgudoominaayey Gudoomiye ku xigeenka kowaad ee golaha  Md: Siciid Jaamac Cali ayaa  dood qoto dheer ka yeeshay Arrimaha Gudaha ee dalka.

Mudanayaashii dooda maanta  ka qaybqaatay ayaa  badankoodu   soo jeediyay in Golaha ay  hor yimaadaan Taliyayaasha  Ciidanka Booliska iyo  sii-aydhiida si goluhu uga xogwaraysto   falal dilal ah oo mudooyinkii dambe ka dhacay caasimada.

Geesta kale mudanayaasha qaarkood  ayaa iyana  soo Jeediyay  in goluhu ka howlgalo  khilaaf dhawaan ka soo cusboonaaday  degaanka Sayla Bari oo ku saabsan arimaha  dhulka , dhinaca kale waxa mudanayaashaaha guurtidu fadhigaas ay uga soo jeediyeen  wasaaradda arrimaha gudaha  in  ay u soo jeediyeen inay siyaasad cad   ka soo saarto. dadka ajaanibka ah ee dalka ku soo badanaaya.

Xildhibaan c/raxmaan cisman jaamac {shaadh} oo ka mida mudanayaasha Golaha Guurtida  oo shir-jaraa-id ku qabtay xarunta Baarlamaanta ayaa daboolka ka qaaday inay xukuumaddu umadda maanta wax muuqda uqabatay oo la taaban karo ,waxaanu ugu baaqay xisbyadda mucaaridka ah la lagarabgalo xukuumada maanta dalka ka talisa.

Hargaysa SDN.

Qurbejoog.com