Nin Miino ku Aasayey Buundada Magaalada Jowhar oo La Qabtay

Jowhar:10-Aug-2013(SDN) Ciidamada amaanka Magaalada Jowhar ayaa Aroornimadii hore saaka  gacanta ku dhigay nin la sheegay inuu miino ku aasayay Bundada Magaalada Jowhar ee ay iskaga kala gooshaan labada Xafadood ee Magaalada Jowhar.

Ninkan ayaa la sheegay in Booliisku qabteen xili uu ku howlanaa aasida Miinadaa waxaana la sheegay in Ciidamada roonda samaynayay halkaa kula kulmeem dabadeedna xabsiga dhigeen .

Deble Xasan Ciise Maxamed oo ka mid ah Booliiskii soo qabtay ayaa sheegay in ninkan uu qorshaynayay in Miinadaa uu halkaa ku aaso si loogu badhtilmaamsado Dadka shacabka ah ama Ciidamada amaanka.

Hayeeshee waxa uu sheegay in ay ku guulaysteen in miinadii ay halkaa ka saaraan ninkana gacanta ku soo dhigaan  iminkana ku xidhan yahay saldhiga Jowhar waxa uuna sheegay in miinadu ay ahayed nuuca meelaha fog laga maamulo.

Maalmihii ugu dambeeyey waxa magaaladda Jowhar ku soo badanayey qaraxyada loo Adeegsanayo Miinyooyinka dhulka hoostiisa la geliyo, waxana jirtay cabsi ah inay qaraxyo xoogan oo miinooyin loo adeegsadaa ay magaalada ka dhacaan.

 

Somalidiasporanews.com