Dareenada ku Xeeran Heshiiska ay Dawlada Xasan Sheekh la Gashay Shirkada Shisheeyaha ah ee ilaalada Xeebaha Somalia
Muqdisho 03.Aug (SDN) Dowladda Federaalka Soomaaliya ayaa Heshiis la Saxiixatay Shirkad ilaalisa Xeebaha oo lagu Magacaabo The Atlantic Marine and Offshore Group Taasi oo Fadhigeedu yahay Dalka Holland, Qodobada Heshiiska ay wada gaareen Dowlada Soomaaliya iyo The Atlantic Marine and Offshore Group ayaa inta aan u guda gelin waxa ay Bulshadu ka qabto bal aan eegno Qodobada lagu Heshiiyey
1-In lala socdo iLaha Dhaqaale ee gaarka ah.
2- in lagu Gaaf Wareego lana Kontroolo ama la Ilaaliyo si loo suga Ilaha Dhaqaale .
3- la socodka Dhaqdhaqaaqa Ganacsi iyo Dekedaha.
4- Difaaca Kheyraadka Dabiiciga ah.
5- Difaaca Kaluumaysiga Sharcidarrada ah ee Maraakiibta Ajaanibta ah iyo Waxyaabaha Saldhiga u ah.
6- ka Hortaga Sunta lagu Daadinayo Xeebaha Soomaaliya oo Khatar ku ah Dadka iyo kheyraadka Dabiiciga ah.
7- In la sameeyo Dabagallo ku aadan Badbaadada iyo ka Hortagga Adeegyada Kontorbaannada ah.
Waxaa kale oo ka mid ah Heshiiskaas in Ciidanka Amaanka ee Xeebaha Soomaaliya Qaabilsan, ayagoo ka Saacidaya Barnaamijyo Tababar iyo in Xirfadahooda sare loo qaado, Saraakiisha iyo Ciidamada ilaalada Xeebaha.
Hadaba Waxaa Su’aalo laga keenay oo ka Guuxaya Maanka dad badan Howsha ay Shirkadaan Qaban karto , meelihii ay hore uga Shaqeysey si loo Ogaado Waxqabadkeedii iyo in ay Awoodi karto Ilaalinta Xeebta Dheer ee Soomaaliya leedahay,Waxaana arrintaa ka Hadley,Aqoonayahan Soomaaliyeed oo ka Gaabsadey Magaciisa oo ku Xeel dheer arrimaha Noocaan oo kale ah waxaana uu yiri “ Dad badan ayaa Rumeysan in maanta Caalamka uu Gacanta ugu jro Shirkado Awooda Howshii laga doonayey in ay Dowladi qabato , waxayna dadkaas Tusaale u soo qaataan Wadamada Dunida uga Awooda badan sida Ingiriiska iyo Mareykanka oo Xitaa Sugidda Amnaanka iyo Nabagelyada ay Shirkado Gacanta ku hayaan.
Waxaa uu sii raaciyey Aqoonyahankaas “ waxay Shirkadahaasi gaarka loo leeyahay Gacanta ku hayaan Sameynta Hubka , Diyaaradaha Gawaarida Dagaalka iyo Taangiyada , marka waxaa ila Hoboon in la tixigeliyo Awooda Shirkadaan oo aan lagu Deg degin wax ka Sheegeeda Tusaale Sannadkii 2004 Shirkaddo gaar loo leeyahay oo ka soo jeeda Wadamada Carabta gaar ahaan Imaaraadka Carabta waxaa lagu wareejiyey Dekedo waaweyn oo ku yaala Gobolada Mareykanka , inkatoo Muran uu ka dhashey Shirkadahaasi Carbeed oo markii dambe loo Ogolaadey in ay Dhisaan Dekedahaasi, waxaan arrintaan uga dan leeyahay in Shirkadaha Caalamka aysan Xuduud lahayn oo meeshii ay la doono ay kla Howlgali karaan Heshiisna lala gaari karo.
Waxaa Haboon in aan is Xasuusino tan markii Dowladii Dhexe meesha ka baxdey waxaa Beylah Noqotey Biyaha Badda Soomaaliya waxaana la iska Gurtaa Khayraadka Dhex Ceegaaga Badda Soomaaliya sidoo kale Badda waxaa lagu Shubaa Sunta Haraaga ee Warshadaha Nukliyeerka ee ay iska soo Fogeeyaan reer Galbeedka oo Dhibaato ku ah Dadka iyo Dalka Soomaaliyeed waana mida keentey in ay sameysmaan wax loogu yeero Kooxaha Burcad Badeedka oo dadka qaar u arkaan in ay yihiin Xaq u dirir, Madaama aysan jirin Ciidamo Soomaaliyeed oo Badda Iaaliya
Marka laga yimaado Hadalka Aqoonyahanka oo u muuqda mid Maangal ah , waxa jira Fikrado kale oo ka soo horjeeda in Ilaalinta Badda Soomaaliya aan lagu wareejin Shrikad si gaar ah loo leeyahay kuwaas oo Door bidi lahaa in Dowlad lala Heshiiyo intii Shirkad si gaar ah loo leeyahay lala heshiin lahaa , waxay Fikradahaan intaa ku darayaan in ay dhici karto in lala Xisaabtami waayo haddii Shirkad gaar ah loo leeyahay Gacanta loo geliyo Ilaalinta Badda Soomaaliya oo aan ognahay in ay tahay Xeebta Afrika ugu dheer , laakiin Haddii Dowlad lala Heshiiyo waxaa la yaqaan meesha loo raacdo iyo sida loola Xisaabtamo
Shirkaddaan The Atlantic Marine and Offshore Group Heshiiska lala galey waxaa ku jira ka sokow ilaalinta Khayraadka Dhex Ceegaaga Badda Soomaaliya in ay Tababarto Ciidamo Soomaaliyeed oo ilaaliya Bada Soomaaliya maxaa Faaiido ah ayaa ku jira ama Khasaaro, qaar ka mid ah Bulshada ayaa ku kala duwan Dhinaca Fikirka mid baa qaba in marba hadii la Tababarayo Ciidan Badeed oo Soomaaliya leedahay in Shirkadda Howsheeda la soo dhaweeyo maadamaa Berri (Mustaqabalka) Xilka la wareegayaan oo Shisheeye laga maarmayo , mid kalaa waxaa uu Su’aal ka keenayaa Wanaagga Shirkadaan la Imaan karto ka sokow Sanadaha Shirkadaan ku soo Gabagabeyneyso Heshiiska lala galey kaasoo aan lagu Xusin Qoraalka Heshiiska la wada galey .
Qof kale oo ka mid ah Bulshada ayaa in kastoo uu Taxadar badan ka Muujiyey Heshiiska lala galey Shirkadaan Cusub ayaa hadana waxaa uu isku qanciyey in uu meesha ka baxay Fikirkii Dadka qaar ay ka qabeen Shirkada Garoonka Diyaaradaha Maamusha ee SKA oo u muuqda mid haatan lagu qancay ka dib markii ay wax weyn ka badeshey Agaasinka Garoonka Diyaardaha ee Magaalada Muqdisho waxaa intaa ku darey oo uu Cadeeyey sida aaney Dowladda Federaalka u Awoodin Xiligaan in ay Ilaaliso Xeebta Dheer ee Soomaaliya oo Shirkado iyo Dowlado Shisheeye ay iska Gurtaan Khayraadka Badda Soomaaliya .
Qof kale oo ka tirsan Bulshada ayaa yiri “ Waxaan la soconaa in Dowladda Soomaaliya ay la Ciir Ciirayso Dhaqaale la’aan, ayna ku tiirsan tahay Kaalmo Shuruudo badan ku xiran oo ka timaada Caalamka, sidaas daraadeed sida ka muuqata Heshiiska Shirkadaan waxay awood u yeelanaysaa inay Badda ka ilaaliso Maraakiibta shisheeyaha ah, Dowladuna markaas awood u yeelato inay bixiso Ruqsado Kaluumaysi oo la jaan qaadi kara Heer Caalami taas oo Dowlada ka heli karto Dhaqaale ay ku furdaamiso Dhibaatooyinka haysta” waa uu sii Hadley waxaa uu yiri “waxaa kale oo sida ka Muuqata Heshiiskaan ku jirta in Shirkadaan ay ilaalinayso Khayraadka Dabiiciga ah ee ku jira Badaha Soomaaliya, waxaana soo hoos galaya in Shirkadaha kaluumaysiga ee la siiyo Ruqsado ama Shatiyaal in lagu ilaaliyo nooca Kaluun ee ay Jilaabanayaan.
Si kastaba ha ahaate Waxaa Dadweynaha Magaalada Muqdisho ay dareen Saluug ka Muuqdo ka Muujiyeen in Xeebta Somalia ay Kafaalo qaado inay Ilaaliso Shirkad Shisheeye ah iyadoo aan la Waayin Sida ay Sheegeen Ciidan Somaliyeed oo hawshaa u dabran.
Muqdisho SDN.
Qurbejoog.com