Wasiirka Wasaarada Caafimaadka oo Soo Kormeeray Goobaha uu ka socdo Talaalka Cudurka Dabaysha

Hargaysa 28.July (SDN) Wasiirka wasaarada caafimaadka  Mud. Saleebaan Ciise Axmed (xagla toosiye) ayaa maanta kormeer uu ugu kuurgalayo habsocodka talaalka ku soo  maray goobaha uu ka socdo Talaalka Cudurka dabaysha  ee caasimada Hargeysa.

Wasiirka oo ay kor-meerkiisa ku wehelisay Madaxa hay’adda   Caafimaadka Adduunka  ee Somaliland Marwo Aasiya Cismaan,   waxa ay kormeerkooda  ku soo mareen Degmooyinka   magaalada  Hargeysa qaarkood ee uu ka socdo talaalka dabayshu. Iyaga oo  socodkaas ugu

Kala gudbay Xaafado ka mid ah degmooyinka Maxamuud  Haybe iyo degmada Axmed dhagax. Intii ay kormeer-kooda  ku  jireena waxa uu wasiirku u dhaba galay sida ay goobahaasi uga socto hwlaha talaalku, isaga oo    degmada Axmed dhagax  labadii dhibcood ee  talaalka ku siiyey   ilme ka mid ah caruurtii halkaa lagu talaalayey.

Mud,Saleebaan Ciise Axmed Wasiirka wasaarada caafimaadka, Waxa  uu  Waalidiinta  Guud ahaan ugu baaqay inay  caruurta geeyeen goobaha talaalku ka socdo, isaga oo xusay in cudurkan dabaysha uu yahay cudurada halista ku ah caruurta ee  naafeeya haddii aan laga talaalin.

Waxa kale oo uu wasiirku sheegay in ilaa hadda uu  Dalka  si wanaagsan uga socdo talaalku magaalooyinka iyo Jiidaha miyiga ah.  Hawl-wadeenada  hawshan talaalka wadaana ay si wanaagsan u guteen hawsha ay hayaan kuna amaanayo.

Cudurka dabaysha ayaa qof uu asiibay  dhawaan lagu arkay degmada laascaanood, iyada oo dalka jaarkeena ah ee   somaliyana   lagu arkay dad uu ku dhacay xanuunkaasi

Hargaysa SDN.

Qurbejoog.com