Xarakada Al Shabaab oo ka baxay Magaalada Diinsoor ee gobolka Bay

Diinsoor Dec 16 2012 (SDN)- Sida qaar kamid ah dadka deegaanka ay usheegeen  qurbejoog.com, Al-Shabaab ayaa baneeyay Magaalada Diinsoor ee Gobalka Baay halkaasi oo ay isaga baxeen.

Mid kamid ah dadka deegaanka oo ka gaabsaday inuu shaaciyo magaciisa ayaa sheegay in ciidamada Shabaab ay isaga baxeen magaalada inkastoo la arkayo qaar ka tirsna ciidankooda sida uu sheegay.

Wararka ayaa intaasi ku daraya in Shabaab ay afka saareen dhanka wadada looga baxo Magaalada Diinsoor ee Gobalkaasi iyaga oo wata gaadiid dagaal oo badan.

Xaalada Magaalada ayuu sheegay inay caadi tahay dadkana ay hadal hayaan Shabaab ka bixitaankooda Magaalada Diinsoor ee Gobalka Baay.

Jimcihii ayeey aheyd markii ciidamada Dowladda Soomaaliya iyo kuwa Ethiopia ay la wareegeen gacan ku haynta Deegaanka Ufuroow ee Gobalka Baay,taasi oo sababtay in Shabaab ay isaga baxaan Degmada Diinsoor kadib culeesyo milateri oo ay dareemeen.

SDN-Diinsoor