“26 Juune Haddii Ay Doorasho Dhici Waydo, Oo Ciddii Loo Asteeyey Qaban Waydo, Ma Jirto Nin Suurta Afuufaya” Wasiirka Madaxtooyada

Burco 24.Feb 2015 (SDN/QJ)- Wasiirka Madaxtooyada Somaliland Xirsi Cali Xaaji Xasan ayaa Sheegay haddii ay doorashadu ku qabsoomi waydo 26 June 2015-  inaan kursiga Madaxweynanimada Somaliland kaga tageyn hanjabaad, balse ay ku sii joogayaan si sharci ah

Wasiir Xirsi Waxa Uu Sidaa Maanta Ku Sheegay Mar Uu Ka Hadlayay Xidhitaanka Shirweynaha Beelaha Gaashaan-Buur Axmed Faarax (Habar-Jeclo) Oo Ka Socday Huteelka City Blaza Ee Magaalada Burco.

 

Wasiirka Wasaarada Madaxtooyada Somaliland Md. Xirsi Cali Xaaji Xasan, Ayaa Waxa Uu Yidhi “Qolyaha Mucaaridka Ah Ee Leh Haddii Ay 26 Juune Doorasho Dhici Weydo Wax Ayaa Dhacaya, Iyo Dawlado Kale (Dawlad Wadaaga) Ayaa La Sameynayaa, Waxaanu Ku Nimi Sharci Oo Waxaanu Komiishanka Ka Sugaynaa Wakhtigii Doorashada, Wixii Ka Soo Baxana Waanu U Hogaansamaynaa. Tartan Diyaar Ayaan U Nahay”

 

“26 Juune Haddii Ay Doorasho Dhici Waydo, Oo Ciddii Loo Asteeyey Qaban Waydo, Ma Jirto Nin Suurta Afuufaya, Mana Jirto Inaanu Hanjabaad Iyo Handidaad Kursiga Kaga Tagayno Madaxweynaha (Axmed Siilaanyo) Si Sharci Ah Ayaa Loo Doortay, Xukuumadiisu Si Sharci Ah Ayay Ku Joogtaa, Si Sharciya Ayaanu Ku Sii Joogaynaa Haday Doorasho Dhici Waydo”.

 

“Marwalba Doorasho Ayaanu Diyaar U Nahay, Maba Jirto Baqo Aanu Ka Qabno Cid Kale Oo Naga Helaysa, Waayo Waxaanu Is Muujinay Oo Aanu Isa Soo Bandhignay, Waar Aarkeyseen Safarkii Uu Madaxweynuhu Bari Iyo Galbeed Ku Maray, ILAAHAY Mahaddii Dadkayaga Taageeradiisa Waanu Haysanaa Oo Waanu Ku Kal-Soonahay”. Ayuu Yidhi Wasiir Xirsi.