12 Qof oo Ku Dhaawacmay Shil baabuur oo ka dhacay Deegaanka Banka Qool Caday ee Degmada Sallaxley

Hargaysa 07. Novembar 2016 (SDN/QJ):- Ugu yaraan 12 ruux ayaa ku dhaawacmay shil gaadhi oo Shalay Galab ka dhacay banka Qoolcaday ee Degmada Saaxlay

Sida ay waaxda xog ururinta ee wasaaradda caafimaadku u xaqiijisay Shabakada Qurbejoog Shilkan gaadhi ayaa yimid markii 5-tii galabnimo ee Shalay uu dhacay gaadhi Dyna ah waxaana dhaawac soo gaadhay lix rag ah iyo lix dumar ah.

Dadkan dhaawacmay oo labo ka mid ah dhaawacoodu culus yahay ayaa haatan lagu daweynayaa cisbitaalka guud ee magaalada hargaysa.